HØYRINGSFRAMLEGG PARKPLAN 2026-2035

Verdsarvstiftinga Nærøyfjorden Verdsarvpark (NVP) rullerer Parkplanen, som målber stiftinga sin langsiktige strategi.

Strategien tek føre seg NVP sine overordna målsettingar, satsingsområde og tiltak, som skal medverke til realisering av stiftinga sitt føremål innafor definert planperiode, 2026-2035.

Føremålet til stiftinga går fram av vedtektene, der det skildrast slik: 

"Stiftinga skal ha som føremål å koordinere og samordne den samla innsatsen i høve verdsarvstatusen for Nærøyfjordområdet. Stiftinga si verksemd blir regulert gjennom ein eigen Parkavtale. Parkavtalen bør harmoniserast med ein felles kommunedelplan for området.
Nærøyfjorden Verdsarvpark skal byggje på at lokalsamfunnet har eigarskap til landskaps- og kulturverdiane og aktivt fremme internasjonale verneverdiar gjennom lokal økonomisk, kulturell og identitetsmessig utvikling.
Nærøyfjorden Verdsarvpark skal skape møteplassar og utvikle partnarskap mellom eit vekslande mangfald av initiativ som fremjar parken sitt føremål.
Nærøyfjorden Verdsarvpark skal arbeide for utvikling av vertskapsrolla slik at ein fremjar ein verdiskapande kommunikasjon mellom lokalsamfunnet og omverda."

Utkast til ny Parkplan vart sendt ut pr epost til sentrale høyringsinstansar 30.06.26, men høyringa vert med dette i tillegg kunngjort via vår heimeside og facebookside.

Planutkastet finn du her: Framlegg til Parkplan

Høyringsinnspel sendast post@verdsarvparken.no innan 17. august 2026.

Merk med «Innspel Parkplan»

Dagleg leiar kan kontaktast ved spørsmål på post@verdsarvparken.no eller tlf. 95141438.